Colleita 2.012 (16/02/12)
Este ano (2.011) a colleita de viño foi bastante abundante e adiantouse uns 15 días a outros anos.
Collín o viño da horta en tres etapas e máis o de Sahorta tamén (Barrantes).
Con dúas ou tres lúas menguantes funo trasegando para purificalo e onte empecei a embotellalo.
Tiña algunha botella do ano pasado e pedíralle outras poucas ao Peto do Cruceiro de Roo.
Lavei as botellas e embotellei dous garrafonciños e despois dúas perfias máis grandes.
En total fixen unhas sesenta ou setenta botellas de 3/4 de litro. Quedoume un pouco de remoallo e xunteino todo nunha soa perfia ao final e hoxe penso embotellalo ao chegar á casa, se me da tempo.
&&&
Xa o probei. Está algo acedo, pero sabe a uva.
Eu acostumo a "estragalo" botándolle auga e bébese ben.
Hai que ter coidado ao botalo no vaso, porque, como ten algo de "remoallo" non hai que deixar que este chegue ao cristal do segundo recipiente.
A ver se non se estraga cando veña o tempo do calor.
