Concerto Mans Unidas (10/02/12)
O venres, día 10 de febreiro do presente ano, na igrexa noiesa de San Martiño celebrouse un Concerto a prol de Mans Unidas , no que interviña, coma sempre, a Coral Montemar, de Noia e da Pobra do Caramiñal.
O acto escomenzou ás 20,00 horas, despois da Misa da tarde, que oficiou D. Eladio.
Ao remate do Santo Sacrificio (aquí a Coral cantou o Kyrie, despois do canto de entrada, o Aleluia interleccional, Ofrecémosche da terra, o Santo, o Dona nobis pacem e El Peregrino), o grupo colocouse nas escalinatas do altar maior e interpretou: La bella Lola, Ay, linda amiga, As lanchas do xeito,Niña, si vas al monte, Signore delle cime (en recordo de D. José Luis Fuentes, recentemente falecido, impulsor do concerto de Mans Unidas do verán), Mariñeiro, O galopín, Meu amor é mariñeiro e Velai vai.
Terminado o concerto, alguns coralistas e asistentes ao mesmo, desprazáronse ao Cruceiro de Roo (Restaurante O Peto), onde por quince euros degustaron pescado con ensalada, carne asada e un postre de flan de piña, e remataron cun cafeíño.
En total no comedor éramos 77 persoas de distintos sitios da bisbarra: A Pobra, Boiro, Noia, Outes, O Freixo, Esteiro, Serres, Muros, Louro, Santiago e incorporáronse tamén unha inglesa, un australiano e unha norueguesa, amigos dos santiagueses. Cos donativos e os 5 euros da cea xuntouse un total de 1.003 €, que cos posteriores donativos, como ocurre sempre, van pasar de 1.100 €, se Deus quere.
Estes envíanase á sede ou delegacións de Mans Unidas de Santiago.
