Camiño limpo (07/02/12)
No paseo matinal de hai uns días, como non tiña moito tempo para facer o acostumado percorrido, tiña pensado subir ao Calvario, un montiño que sube cara ao Leste do convento dos PP. Franciscanos e que ten unha especie de monolitos coas 14 estacións do Viacrucis.
Desde a casa lévame uns 15 minutos ata a última estación. Como quería andar un pouco máis de tempo, ampliei o recorrido por detrás do bosque, é dicir, polo camiño que bordea a Horta do Convento.
Últimamente, somentes se podía chegar, a partires do cemiterio dos frailes ata o corruncho NO., porque o camiño estaba cheo de maleza ( árbores caídas, silvas, chan asulagado, etc.), pero ese día vin que alguén limpara o camiño e o fixera transitable.
Pensei que o facería Luis Rama (Luis de Rodríguez), por mandato da plana maior do convento, e pregunteillo, pero respondeume que el non fora, e que, posiblemente ,foran os das motos (persoal da Xunta ou de medio Ambiente).
O caso é que o camiño está agora despexado de troncos de árbores caídos, de silvas e outros impedimentos.
O que ten en contra, se non se leva calzado adecuado, é que hai varios manantiais de auga, que verten no camiño e hai que ir con coidado para non mollar os pés.
O sendeiro está limpo ata a corredoira que sube para Campograndes (que tamén foi limpado recentemente) e pódese saír, como eu o fixen, pola porta de Pepa Juana.
