Tres actuacións nun día (10/12/11)
Onte era a festa de Nª Sª do Loreto, Patroa da Aviación Española.
No Acuartelamento do EVA 10 (Monte Iroite), do que está ao frente o Cte. D. Lino Iglesias Posada, celebrouse a festa anual correspondente, na que, ademais, se entregou un guión, doado polo Concello de Ribeira a Unidade Militar devandita.
Neste actos estivo presente o xeneral de brigada D. José Luis Triguero de La Torre, que, con outros persoeiros da política, fixo entrega de condecoracións diversas a distintos membros da Unidade.
Previamente a estes actos, celebrouse a Sta. Misa, que presidiu D. Marcelino, o párroco de Cures, acompañado polos de Bealo e Abanqueiro.
Na celebración cantigou a Coral Liceo de Noia, que interpretou sucesivamente: Canticorum iubilo; Kyrie e Gloria; Lauda, Jerusalem; Alleluia; Signore delle cime; Sanctus, Agnus, El Peregrino e a Salve aviadora.
A continuación da entrega do guión e das medallas, fíxose a homenaxe aos caídos, depositando unha coroa diante do cruceiro de madeira instalado no ximnasio.
Rematada a cerimonia, todo o persoal asistente pasou ao comedor, onde degustaron diversos alimentos acompañando ao "viño" español.
