Un día de moito traballo (07/11/11)

  O día 7 de novermbro tiñamos que facer un funeral en San Lourenzo de Agrón ás 12 da mañán, pero saiu o día antes un enterro en San Mamede da Pena, ás 11.

   O Sr. que nos chamou (Tanatorios "La Unión") díxonos que era posible facer os dous e así o fixemos, aínda que ao segundo chegamos algo xustos de tempo.

   Saíndo do segundo, chegamos a Noia sobre as 13,20 e despois de deixalas a elas (Lolita e María) nos respectivos domicilios, fun ao Eroski da Barquiña e merquei algo para comer, porque non me daba tempo de ir a facelo á casa.

   Comprei dúas empanadillas de bacallau, un mandiño de tres plátanos e unha caixa de queixiños, ademais dun pack de cervexas.

   Zampeime unha deas empanadillas, un plátano e un queixiño. Bebín unha cervexa e fun para a Serra a buscar a Dominga, antes das dúas.

   Ás tres tiñamos que estar en Corneira, para o primeiro funeral da tarde (Funeraria Apóstol).

   Oficiouno Pepe de Muros ( D. José Figueiras) e despois, ás catro fixemos outro para a funeraria San Ramón de Santa Comba.

   Este celebrouno ou presidiuno D. Benxamín, un sacerdote, que estivera en Noia de coadxutor, (creo que está agora polo Castiñeiriño) aló polos anos 70,e que casara a Ángeles e máis a Pedro.

    Aquí compre sinalar que xunto á igrexa de Corneira hai un palco de banda música, que, se non me engano, ten a data de 1815. Ou será 1915?

   Terminado, sobre as 16, 45 o segundo entierro deixamos a Angeles en Catro Camiños e agardamos ( Dominga e máis eu) a que chegaran Anuska e máis súa nai de Santiago (xa viñan por Urdilde no autobús).

   Paramos na Serra para deixar a aquela, e fomos para Louro.

    Ás 19,30 xa estaba no ensaio do Orfeón "Ría de Muros".

    Para rematar o día, fixen o de Louro ás nove da noite.

servido por hortaderoura 1 comentario compártelo