Concerto e cea de Mans Unidas (01/10/11)
O día 1º de outubro de 2.011 a Coral Montemar organizou e realizou un concerto a prol da ONG Mans Unidas na igrexa noiesa de San Martiño.
O acto escomenzou ás 8,45 da tarde, ao remate da Misa, que estaba adicada á Virxe Perpetuo Socorro.
A Misa foi oficiada polo sacerdote D. Antonio Busto (Tonecho) e nela a Coral cantigou, sucesivamente , Diante de Ti, Pai noso; Kyrie e Gloria da Misa "Ut quent laxis"; Alleluia co Ave María; Dio del cielo (2ª estrofa); Sanctus (estrea); Agnus; Señor, eu non so merescente; Camiño de Emaús e Salve regina.
Pasando ao concerto, a coral cantou o Coro de esclavos, Isa canaria, Boga, boga, La bella Lola, Viaxe por Galicia, etc.
Terminado o Concerto, parte dos asistentes e/ou intervintes nel, desprazáronse ao Restaurante "O Peto" do Cruceiro de Roo (70 persoas), onde cearon pescado con ensalada, carne asada con guarnición e flan e café.
Había persoas de Louro, Muros, Serres, O Freixo,A Serra de Outes, Noia, Boiro e a Pobra do Caramiñal.
Uns días antes do concerto mandóuselle información sobre el a dous periódicos e a unha Emisora de radio. Esta deu sinais de vida e entrevistou ao director uns días antes da celebración.
O total da recaudación foi arredor de 1.000 €, que se enviaron á Central de Mans Unidas de Santiago.
Posteriormente a data sempre hai xente que aínda entrega donativos.
Estes mándanse nunha segunda remesa. O Prezo da cea foi de 15 €, dos que 10 van para o Restaurante e 5 para a ONG.
