O irmanciño de Esaú (14/07/11)
O irmanciño de Esaú/ xa leva seis días fóra/ da casa dos seus avós/ E xa é hora de que volva/.
Xa leva seis días fóra/ porque está en Tenerife/ Para alá foiche durmindo/ e alá disque moi ben vive/.
Da casa dos seus avós/ foise un xoves pola noite/ Preparáronlle as maletas/ e tamén o pasaporte/.
Disque é hora de que volva/ pois botámolo de menos/ tanto os gatos, coma os cans/ tanto a tía, coma os vellos/.
Xa leva seis días fóra/ que se fan eternidade/. Eu aínda que miro as fotos/ Quero ver a súa face./
Porque está en Tenerife/ disfrutando alí do clima/. Tamén aquí temos tempo/ bo, neste anaco da ría/.
Para alá foiche durmindo/ despois dunha boa merenda/ e non se enterou da viaxe/ nin se houbera unha emerxencia/.
E alá disque moi ben vive/ pois levárono á piscina/ para que aprenda a nadar/, que o pé aínda non se afirma./
Da casa dos seus avós/ non se corda o puñetero/ nin tampouco os dous seus pais/, pero xa virá o inverno/
.Foise un xoves pola noite /e disque virá o domingo/e teñen que madrugar/ cáseque arredor das cinco/.
Preparáronlle as maletas/ i outra vez hai que facelo/ porque inda que é rapaz miúdo/ leva máis troles que un vello/.
E tamén o pasaporte/ xa que se se nos perdera/ Non habería no mundo/ Que encontrara a paciencia./
Canto nos tarda ese neno!,/ díxome hoxe a súa avoa/.Canto nos tarda ese neno!/ dixen eu mirando a hora...
