Concerto-aniversario da Coral "Agustín González" (13/06/11)
Onte, día 13 de xuño de 2011, celebouse co gallo da festividade de San Antonio de Padua (ou de Lisboa), un mini-concerto, aniversario da Coral "Agustín González" de Louro.
Esta agrupación fixera a súa estrea musical o día 13/06/02, na igrexa dos PP. Franciscanos de Louro. Desde sesa data, tódolos anos participa na misa vespertina, na honra do santo franciscano e, posteriormente, fai un concerto pequeniño.
Nembargantes, o ano 2.009 faltou a esa cita, pois tivo que desprazarse, invitada pola Presidenta da Comisión de Cultura da Excma. Deputación Provincial de A Coruña, Dª Caridad González Cerviño, a unha xuntanza polifónica en Viana do Castelo (Portugal).
Este ano participou na Misa, que celebrou o P. Fermín Gómez Vigide, auxiliado polo Superior, P. Humberto Jesús Soto Castro e polo seu irmán o P. Feliciano Gómez Vigide, que fixeron as lecturas primeira e segunda, respectivamente.
Ao o remate da Misa e da posterior procesión, bendecíronse os lirios, bendecíronse os nenos e tamén se bendeciu o pan (uns boliños pequenos, que levou cada un dos asistentes á misa), a coral interpretou os seguintes temas: Adiós, lucero de mis noche; Al piede una verde palmera; No tardes, Tom; Habanera de D. Gil de Alcalá e Axiña vai Maruxiña. Como despedida, cantouse o Himno galego.
O público foivos mui educado, pois ao remate da Sta. Misa, quedouse prácticamente todo para asistir ao concerto, que rematou sobre as 21,15. Logo, cada moucho á súa oliveira...
Cómpre suliñar que a Misa foi aplicada polo persoeiro, que lle dá o nome a Coral ( Agustín González López), de quen precisamente facía 22 anos, que fora o pasamento. D.E.P.
