Concerto e cea de Mans Unidas (19/02/11)
O día 19 de Febreiro a Coral Montemar de Noia e da Pobra do Caramiñal fixo o Concerto semestral de Mans Unidas. Tocaba organizalo o sábado anterior, día 12, pero o Restaurante "O Peto" do Cruceiro de Roo (Outes) tiña ese día unha voda e non podía atendernos.
Falamos co párroco de San Martiño de Noia, D. José Luis Fuentes Fuentes, e quedamos en que cantaríamos na Misa das 19,30 e, a continuación, faríamos o Concerto.
Na Misa cantou tamén a Coral. Interpretou as seguintes pezas:
Bonum est confiteri Domino, Kyrie, Nobody knows, Ofrecémosche da terra, Sanctus, Agnus, Oh mi Dios Sacramentado, Ubi charitas e Salve Regina (gregoriano).
No concerto fixemos o canon El Cuco, Niña si vas al monte, Mater amabilis, Habanera de don Gil de Alcalá, Boba boga, Negra sombra, Salve rociera e o Himno da Montemar.
Ao remate o autobús levounos ao Cruceiro de Roo, onde nos xuntamos 87 persoas. A recaudación, entre cea e donativos, acadou a cifra de 1.218 €, que se incrementou posteriormente ata os 1.300, que se enviaron á Delegación santiaguesa de Mans Unidas.
Cómpre sinalar que nestas ceas hai xente de varios Concellos distintos: A Pobra, Boiro, Noia,Outes, Muros e Santiago.
Na presentación, díxose que o Concerto era "in memoriam" de José manuel González Túñez, un coralista recentemente falecido.
