Actuación no Couto (Narón) (31/10/10)
A Coral do Liceo de Noia, a invitación da Coral "Amistad", da Asociación de Veciños de O Couto (Piñeiros-Narón), por mediación de Evaristo Sanjurjo Lago, foi a esta localidade de Ferrolterra para actuar dentro do Outono Cultural. Neste evento interveñen cada fin de semana de outubro e novembro dúas agrupacións musicais.
Nesta ocasión nós compartimos escenario coa Coral "Mulleres de Vilaboa", que dirixe o amigo D. Antonio Piñeiro Fernández, asemade ó frente da Coral de A Gaiteira, da Coruña.
Esta cantou sete temas e outro máis de propina, como xa é tradición nese Festival: Zorongo, La golondrina, Jota baturra, Adiós, ríos, adiós, fontes; Quiéreme mucho, Suspiros e Lévame, lévame.
Nós botamos oito, e rematamos co Rondó da Jeringosa de D. Pedro Braña Martínez, un compositor asturiano, falecido hai uns anos. Os temas foron: No tardes, Tom; Con sabor tropical; Habanera de D. Gil de Alcalá; Boga, boga; El abanico; Negra sombra; Dicen que se muere el mar e Lenda galega.
Teñen por costume gravar en vídeo a actuación toda.
A viaxe fíxose ben: saíron (eu fun no meu coche por mor das flores de Difuntos) ás 3 da tarde da Pobra e ás 3,30 de Noia. A eso das 5 xa estaban no local da Picota, o local social da coral anfitriona.
Ó remate do Festival houbo uns pinchos ben regados (empanada de bonito, minibocatas de xamón serrano, croquetas, anillas de calamar, gabardinas, e fiambre - queixo, xamón iork).
Veu connosco Anuska e tamén estiveron os pais de Iago e varios tíos da nai. Tamén asistiron ó concerto a "tía " Josefa (92 anos), a súa filla Isaura e as dúas netas (Ana -Psicoloxía e Almudena- Económicas).
Estiveron tamén familiares de Amalia Benita (o marido, a neta maior e dous cuñados).
Ó remate dos pinchos as corais intervintes cantigaron "O Galopín" e máis o "Velaí vai".
Saímos dicindo "Adiós con el corazón"... A eso das 10,40 xa estabamos na casa.
