Mostra Coral 2010 en Louro (04/09/10)
Onte, celebrouse un Louro-Muros unha Mostra Coral na que participaron tres agrupacións: a Coral "San Xoán de Serres", a Coral da A.C. "Lira" de San Miguel de Oia, en Vigo (Pontevedra) e a Coral "Agustín González" de Louro.
O Festival empezou arredor da 20,00 horas e nel cada unha dos colectivos intervintes cantigou catro temas, dos que, necesariamente, dous tiveron que ser en galego.
A primeira agrupación en intervir foi a Coral "San Xoán de Serres", que lle ofreceu ao público Salió de Jamaica, Al pie de una verde palmera, O Neno dormía de A.I. Paz Valverde e As lanchas do xeito de Prudencio Romo e máis dos Tamara.
En segundo lugar actuou a Coral da A.C. "Lira" de San Miguel de Oia (Vigo), dirixida por D. Javier Domínguez Millán, que saiu á palestra interpretando Ao ver que non tiñas nome de Paz Valverde, El abanico de Trayter, Maruxiña de X.A. Oliveira e Hermosa de Rey Rivero.
Por último a Coral anfitriona, "Agustín González", cantigou Con sabor tropical de Ricardo Tejada e Jorge Domingo, Adiós lucero de mis noches de J. Trayter, Axiña vai Maruxiña de Agrelo-Barreiros e María Soliña de C.E. Ferreiro e P. Romo.
Antes de rematar, as tres corais volveron a cantar xuntas O galopín de Miguel Groba e o Himno galego de Pondal-Veiga.
Despois do canto os coralistas e acompañantes pasaron polo Restaurante "California" (Casa Rogelia), de alí de Louro, onde degustaron uns pinchos a base empanadas, tortilla, xamón asado, ensaladilla, sandwiches, brazo de xitano e rosco, acompañados da correspondente bebida. Arredor das 10,45 xa todo estaba rematado.
É de resaltar que o acto estaba patrocinado pola Consellería de Cultura a traverso da Dirección Xeral de Creación e Difusión Cultural, coordinado por Fecoga, co aopio loxístico (palco, asientos e megafonía) do Concello de Muros e a colaboración inapreciable do silencio dun público respectuoso, solo interrumpido polo ladrido duns cans, de cando en cando.
O Concerto tivo lugar na praciña denominada "Porta de García" e contou coa asistencia da Concellala de Muros e presidenta da Comisión de Cultura da Excma. Deputación de A Coruña, Dª Caridad González Cerviño, que foi quen entregou os agasallos ás corais.
