Concerto do verán 2010 (01/08/10)
O día arriba indicado tivo lugar na igrexa románica de A Mezquita, no Concello ourensano de A Merca, un Festival de Música Coral, no que participaron as Corais "Francisco Añón", de Outes (A Coruña); o Orfeón vianés e a Coral da Mezquita, que facía de anfitriona.
A primeira agrupación (o acto empezou ás 20,30) cantigou No tardes, Tom; Con sabor tropical; Unha noite na eira do trigo e Boga, boga, baixo a dirección de D. Domingo Barreiros Lago.
Os de Viana do Bolo cantaron Xa non sei cantar de Pérez Bernal, Lévame, La sirena e Sin ti. Esta coral estaba dirixida por D. J. Ramón Mansilla Álvarez.
Finalmente a Coral de A Mezquita, baixo a batuta do avogado D. Baldomero Borrajo Martínez interpretou A Rosalía, No llores por mí, Argentina, Airiños, de Jausarás, e Bésame mucho, cunha harmonización do director.
En canto a público, xa había tempo que non viamos unha igrexa tan chea de xente.
Rematado o concerto, no que estivo presente o Presidente de Fecoga, D. Antonio Rey, acompañado da súa dona, leváronnos a o Restaurante " O mesón do Labrego" da Merca, onde nos obsequiaron cunha espléndida cea: Empanada, calamares, ensaladilla e unha carne estofada de vaca cachena (especialidade da casa), que resucitaba aos mortos. Houbo tamén postre ( doce de café e máis xeado) e,ó remate, café para quen o quixo.
Estivemos moi ben atendidos, desde a chegada ata a despedida, pola Presidenta da Asociación de veciños, Dª Marina Vázquez Outeiriño, que trouxo tamén á súa filla Marián (coralista), ao neto, á nai, e ó noso compañeiro (ex-colega), Agustín Vega Veiga.
Durante a cea conversamos, do divino e máis do humano, co tamén colega (profesor en Maceda), o Presidente da Coral, D. Suso Piñeiro.
Tamén falamos co director, D. Baldomero Borrajo, para invitalos a Noia o día 11 de Setembro, pero declinaron a invitación,porque teñen vacacións ata o día 10 do mesmo mes.
