X Festa dos maiores de Porto do Son (01/05/10)
Onte, día 1º de maio de 2.010, celebrouse en Porto do Son a " X Festa dos maiores".
Estaban anotados para asistir a ela unhas 760 persoas, frente ás máis de 800 do ano anterior.
Ás 12,00 houbo a consabida Misa, na que cantou a Coral "Virxe do Carme" do Clube de Xubilados.
Posteriormente nós - Anuska, súa nai, Renato e máis eu- aproveitamos para dar un longo paseo polo porto.
Ás 14,00 horas abriron o Pavillón polideportivo e estivo a xente entrando (organización deficiente) ata pasadas as 14,30.
O catering foi servido polo" Hotel Congreso "de Santiago, que presentou o seguinte menú: langostinos conxelados, empanada de bonito e queixo en tiras; logo veu o cocido (carne de porco e de tenreira, costela, pata, chourizo... coas correspondentes patacas e repolo, todo en abundancia).
Finalmente houbo postre individual nunha cazoliña de cacho, que consistía nunha filloa con chocolate quente e tarta de queixo.
Rematando todo, café de pota (disque froxo) e descafeinado (non había leite).
A festa foi amenizada pola orquestra "Odisea", que presenta tres cantantes (dúas mulleres e un home); unha organista, un baixo e tres persoas no metal (unha trompeta, un saxo -muller-) e o batería.
O sonido era malo, pola moita reverberación ou eco do local.
Despois do cocido, eu fun descansar un pouco ó coche, pero non cheguei a dormir.
Ás 17,08 saímos para Cambre, onde actuaba ás 19,30 a Coral "Don Diego de Muros"
