24 Enero 2012
Onte, día 23 de xaneiro, tiña que ir solicitar ao Xulgado de Paredes unha partida de nacemento para un familiar. Sabía que o Xulgado abría ás 8,30, e, como era a hora do paseo diario e matinal, para matar dous paxaros dun tiro, fun co coche ata a capela da 3ª Persoa.
Deixeino alí e baixei polo Campo das Ovellas para pasar por diante da casa, onde necera e vivira meu avó de novo.Así o fixen.
Na porta do Xulgado vin que non atendían ao público ata as 9, e pasei á NGBanco, onde fixen unha pequena xestión.
Aínda me sobraba tempo e fun camiñando ata o final do "muelle". Levoume uns 12 minutos.
Voltei ao Xulgado e solicitei a Certificación e voltei para o coche, que estaba (costa arriba) a un pouco máis de un cuarto de hora.
Deste xeito cumprín co meu paseo matinal e solicitei a partida de nacemento do familiar.
Dous paxaros dun tiro!!!
servido por hortaderoura
sin comentarios
compártelo
20 Enero 2012
O día 5 de xaneiro o noso neno fixo dez mesiños.
Xa hai tempo que vai a guardería, en Santiago, porque seus pais traballan e non poden atendelo.
Entre finais de decembro e principios de xaneiro foron os tres (seus pais e máis el) a Tenerife, nun "raite" duns 8 días.
O rapaz xa ten experiencia viaxeira, porque xa foi 2 veces ás Canarias e unha a Italia.
Come bastante ben, tanto peixe, coma carne, ademais da correspondentes guarnicións e tamén unha mesturanza de tres froitas, á merenda.
O pan gústalle bastante e, se poidera tomalos, a outros alimentos non lle vira o buzo...
Entre as "monadiñas" que fai está o facer ruidos cos labios imitando a un coche, chillar, e, agora, últimamente, acostumouse a dicir non coa cabeza, denegando algo.
" Deus salve ao ..." que din os ingleses.
servido por hortaderoura
sin comentarios
compártelo
20 Enero 2012
O domingo, día 15 de xaneiro, a Coral "Francisco Añón", de Outes, desprazouse a Barbadás, na provincia de Ourense, para devolverlle a visita á Coral "San Mauro", da localidade.
Saímos ás 15,30 da tarde da nosa base, e, pasando por Noia, para recoller a seis coralistas-Pedro e Angeles, Paco e Benigana e Alejandro e Claudia- arribamos a Barbadás, bastante antes das 6 da tarde.
A esa hora hora escomenzaba a misa na capela de San Mauro?, alí ao lado do Centro Médico, onde tivo lugar o Concerto.
Este empezouno unha rondalla (orquestra de pulso e púa) chamada "Nova Xeración", cuios integrantes disque eran uns 12, pero actuaron somentes 7 (3 bandurrias, dous laúdes e 2 guitarras).
Interpretaron Andante en Mi menor, La casa del sol naciente, New York, New York e o pasadobre Pepita Greus.
Despois, a Coral " Francisco Añón" cantigou Boga, boga; Unha noite na eira do trigo; Negra sombra e Consabor tropical.
Finalmente, a Coral "San Mauro" fixo tres temas sudamericanos: Camino del indio, La golondrina e Carnavalito quebradeño.
Ao remate, houbo os consabidos "pinchos", con empanada, tortilla, sandwiches de york e queixo, canapés de ensaladilla, fiambre (queixo, chourizo, lomo e xamón serrano), todo regado con viño, auga e refrescos.
Nunha hora e tres cuartos estabamos de volta na Serra de Outes.
A temperatura no camiño era bastante baixa, xa que ao atravesar Lalín (cercanías) o termómetro marcaba -3 graos.
servido por hortaderoura
sin comentarios
compártelo
7 Enero 2012
Desde o ano 1.995, a Coral Montemar, baixo o patrocinio de Excma. Deputación Provincial de A Coruña, ven organizando na Colexiata de Sta. María do Campo, de Muros, un Concerto de Panxoliñas.
Nun principio facíao ela soa, pero, logo, foron agregándose a ditro concerto distintas corais do concello: A Coral "Don Diego de Muros", a Coral "San Xoán de Serres" e a Coral "Agustín González ", de Louro.
En algunha edición tamén interviñeron a Coral "Francisco Añón", de Outes e máis a Coral Xuvenil "Solpor" de O Freixo e, inclusive, o" Grupo Atlántico" de Noia.
Este ano contamos coa colaboración, asemade, do recén creado Orfeón "Ría de Muros", que pertence á Asociación Cultural "Faltriqueira".
Deste xeito, o día 25 de decembro, coa iglexa chea, pola expectación que espertaba a primeira actuación na localidade do orfeón, ás sete da tarde, escomenzou o Festival.
Antes de que pasara ao estrado (o altar maior) a Coral de Louro, a Coral Montemar fixo dous temas para fundir a frialdade do ambiente e introducir o Concerto propiamente dito.
Cantigou o Adeste. fideles (Cheguémonos ao Portal) e máis o Tanenbaum.
Seguidamente a Coral "Agustín González" ofreceu Al brillo de la luna e Dormi, non piangere, baixo a batuta de Luis Rama Lestón e Foliada do Camiño.
Pasou, logo, ao escenario a Coral "San Xoán de Serres"que interpretou En la más fría noche, Lenta cae la nieve (as dúas dirixidas por José Fernández Lestayo) e Vinde, pastores.
Sigueu, agora, a intervención do orfeón "Ría de Muros" con Entrai, pastores, entrai: El tamborilero e Vinde, pastores, vinde.
Ao rematar este, entrou á palestra a Coral "Don Diego de Muros" con Cristo naceunos hoxe, Huachito torito (Renato Pestonit Brenlla) e Foliada de Nadal.
Finalmente, a Coral Montemar fixo Mariñeiro, A Virxe cántalle ao Neno e Hodie Christus natus est.
Como remate houbo dous vilancicos conxuntos: Paz en la Tierra de Haendel e Noche de Paz de Franz Grüber.
Terminado o canto, o ex- párroco, D. Casimiro Torres Pombo, adicou aos coralistas e máis ao público unha palabras de agradecemento.
servido por hortaderoura
sin comentarios
compártelo
6 Enero 2012
Onte non puden facer a regramentaria camiñata matinal e aproveitei que fun lavar o coche a Portecarral (non Porto Carral, como acostuman a dicir algúns, que viñeron de fóra da parroquia) e, feito o labor, aparquei no camiño que vai para Os Casás, frente á entrada do agro, onde estaba o antigo depósito de butano.
Collín o paraugas, para evitar sorpresas, e funme camiño dos Casás.
Pasei por Trasparedes, polo Agro que ten Pancho de Rafael con parras (aínda sen podar, como é lóxico) e baixei por Sixtos.
Ao chegar á altura do chalet que hai alí, torcín á dereita e, pasando o depósito de pedras de vellos edificios, que ten Manuel Benito, o construtor, caín no camiño que baixa por Boca de Lebre.
Do chan de Boca de Lebre cara abaixo estaban as beiras do camiño fozadas dos xabaríns.
Deixei o Chafariz á esquerda e chegeui ao Areeiro. O lago estaba baldeiro ( debeu rebentar o ingüeiro coas chuvias dos días pasados) e metinme por un camiño de pé cara ás malloeiras.
Víase a marca (lixo de todo tipo) que deixara a cóta máis alta do lago, cando estivo cheo, e, pasada a chaira vexetal fun ascendendo pouco a pouco pola branca e virxinal area das dunas.
Subín, baixei, volvín a subir e a baixar, sempre cara ao Suroeste, e chegei, por fin, ao remate das malloeiras.
Desde alí, nun altiño, contemplei como o mar rompía na praia.
Cara ao Machado había unha persoa andando pola area, que posiblemente estaba acompañada dun can, porque había pegadas dos dous nas malloeiras, aínda que ao animal non o vin, desde tan loxe.
Iniciei a volta e mirei para as cortes de Monte Louro, onde tivera a corte das ovellas miña avoa, Dolores Louro, e desde o alto dunha malloeira saqueille unha foto co móbil a miña aldea, co Oroso e Montemeán ao fondo.
Atravesei outa vez o chan da lagoa (nós pomposamente chamámoslle o "Lago de Louro") e escoitei o rebumbio da fauna acuática, cara ao Noroeste.
Ascendín polo Chafariz e Boca de Lebre.
Empezou a chover pouquiño, pero a home precavido (con paraugas) non o amola a chuvia e, por Sixtos e os Casás arriba cheguei ata onde deixara o coche.
Como o tiña virado cara abaixo, dei a volta nos Casás e rematei o meu paseo vespertino, porque en media hora tiña que estar no ensaio do orfeón "Ría de Muros", facer, logo, o do Freixo, e rematar, ás dez da noite co de "Agustín González", a Coral de Louro, que mañán, se Deus quere, terá Misa, con boutizo de por medio (da primeira neta de Salvador Mayo e Manela de Pais), e despois, como ven facendo cada ano, Concerto de Panxoliñas no Día de Reis.
servido por hortaderoura
sin comentarios
compártelo
4 Enero 2012
O día 24 de decembro, sábado, pola mañán fixen só o consabido paseo matinal. Como a acompañante (my wife) tiña que ir á peluquería, leveina no coche ata alí para ser ela a primeira en entrar, e, a eso das 8,30 collín ruta.
Para non facer a habitual, empecei onde remata o paseo marítimo, no Caldeirón, pero en vez de facer o traxecto polo camiño peonil, como a marea estaba baixa, fun ata a beira do mar, e empecei alí a camiñata; paseo que non fixera desde o verán.
Escomencei nas pedras do Caldeirón, debaixo do chalet de Gonzalo Lago, e pasiño a pasiño, fun andando (marea baixa de todo) ata onde baixa o Río de Sahorta.
Houbo que saltar o rego que fai a auga na area e continuei ata o chalet de Suso Fabeiro, onde tiven que facer outro tanto co río, que ven desde Chans pola beira do Calvario.
Atravesei logo as pedras que cortan a praia en Seisidre e iniciei a camiñata pola praia do Espadanal, onde, por terceira vez, tiven que saltar o rego, que recolle a corrente do Río Derradeiro e máis o do da Cubela Grande.
Seguín despois ata o remate da praia, máis aló (cara ao Leste) do edificio do Camping da Vouga.
Ao chegar ás pedras da Vouga, dei volta e fun contanto (medindo en pasos a praia). Ata as pedras de Seisidre había uns mil cincocentos (creo) e ata o Caldeirón un total de xa non me acordo...
Á altura da baixada do Camping medín o ancho da praia e, nese punto, contei uns 84 metros (arredor de 0,70 m. cada paso).
Daba gusto ver a auga baixando dos montes e dándolle coiteladas a area da praia.
E digno de notar que os regos non flúen con uniformidade, senon que van por etapas, definidas pola caía da area nos bancais que fan os regos.
Ao día seguinte, día de Nadal ou "Navidad", tamén fixen a ruta en solitario, pero esta vez fun pola carretera de arriba ata o Agro do Labouco e de alí baixei polo camiño de carro ata a Vouga.
Crín que o camiño non estaba tan mollado (chovera bastante os días anteriores) e entroume auga nunha bota (menos mal que foi pouca).
Baixei pola beira da depuradora e caín na "caseta de Abelardo", xa na area das pedras da Vouga.
Desde alí fixen a ruta de volta o mesmo que o día antes. Foi un paseo de verán en pleno inverno.
servido por hortaderoura
sin comentarios
compártelo
2 Enero 2012
O día 18 de decembro, domingo, como era sabido, tiña que facer un concerto ás 6 da tarde no Centro Social de Outes, coa Coral "Francisco Añón".
Como , ao surxirlle o pase final de A Coruña á Coral Xuvenil Solpor, eu non podía estar en dous lugares áo mesmo tempo optamos por que me dfixera o Concerto de Outes D. Alejandro Guillermo, o Profesor uruguaio afincado en Noia.
Co gallo de ir á Coruña tamén surxía outro problema, ao quedar a Coral" Francisco Añón" sen 3 sopranos (Angeles, Marita e Mª José) e sen 4 contraltos (Isabel Traba, Dominga, Benigna e Mary-Carmen).
Este problema solucionámolo traendo da Coral "O Peirao" de O Freixo a Mercedes, Lidia e Maruja, polas sopranos. Así que cantaron Paz en la tierra, Noche de Paz, En la más fría noche e Vinde, pastores.
Ao remate, sobre as seis e vinte, Alejandro e a Coral do Freixo colleron ruta cara a Corcubión, olnde tiñan que actuar a partir das sete e media.
Como faltaban Mónica (soprano) e Dominga (contralto) mandeilles de apoio a Hermosinda e Pepita ( sopranos ) e máis a Isabel Mourís e Tomasita (contraltos).
A Corcubión chegaron coa antelación sufiente (xa estaban avisados) e cantigaron En la más fría noche; Vinde, pastores e máis Boga, boga. Actuaron tamén en Corcubión a Coral Airiños de Quenxe, a Atalaia de Laxe, outra de Vimianzo e un grupo folklórico, ademais da do Peirao de O Freixo.
Terminado o acto houbo os consabidos e abundantes pinchos: empanada de varias clases (pulpo, atún e carne), tortilla, xamón asado, fiambre (chourizo, queixo, salchichón), larpeira, pan de ovo, pasteis, champán, sidra e rosca. Que máis quería esa xente?
servido por hortaderoura
sin comentarios
compártelo
27 Diciembre 2011
Según estaba previsto na programación da Sociedade Liceo, a Coral iniciou os Festivais de Nadal o día 17 ás 9 da noite.
Fixéronse unha morea de Vilancicos (12 en total), entre os que destacaban os tres que lavara á Coruña o día 6 de decembro, ao Teatro Colón: Mariñeiro, de Rogelio Groba; A Virxe cántalle ao Neno e Hodie Christus natus est.
A relación dos outros é a que segue :Paz en la Tierra; Cheguémonos ao Portal; Foliada de Nadal; Tanenbaum; Lenta cae la nieve; Dúrmete, Meniño; Vinde, pastores; Pot-pourri navideño e Noche de Paz.
O público (media entrada) estaba algo frieiro, non sei se pola escasa calidade do ofrecido, ou porque facía frío.
Ao remate houbo os consabidos pinchos navideños, pero Renato, Angeles, Pedro (consorte) e o director tiveron que largarse a toda máquina cara a Muros, onde a coral "Don Diego de Muros" tiña unha cea.
En Noia acabouse sobre as dez, á mesma hora na que empezaba a cea.
Aínda así, chegaron ao primeiro prato (gambóns a plancha, ao que seguiu pescado con ensalada, carne asada, tarta de postre e "chupitos variados" a escoller.
servido por hortaderoura
sin comentarios
compártelo
